LEES: Johannes 3: 14 – 21
“Want so lief het God die wêreld gehad, dat Hy sy eniggebore Seun gegee het, sodat elkeen wat in Hom glo, nie verlore mag gaan nie, maar die ewige lewe kan hê (16).”
Die bejaarde kaptein van die historiese skip, Merrimac, was `n inwoner van die Pennsylvania Soldier’s Home, `n tuiste vir onversorgde, siek en bejaarde soldate, matrose en hulle offisiere. Hy was `n ongelowige en het skepties gestaan teenoor geloofsake. Die kapelaan wat die te huis se inwoners geestelik moes versorg, wou hê ou kaptein moet die Bybel lees. Hy het hy het botweg geweier. Toe gee die kapelaan vir die ou kaptein `n nuwe Bybel en `n rooi pen. Hy sê vir hom: “Lees die Bybel en maak `n rooi merk by alles wat jy nie glo nie. Begin met die Evangelie van Johannes.” Die ou kaptein aanvaar die uitdaging. Hy was toe juis siek in die bed. Elke paar uur, as die kapelaan by die kamer verbystap, gaan hy in: “Al iets gemerk, Kaptein?” Die ou gryns net en sê niks. `n Paar dae later stap die kapelaan in die ou kaptein se kamer in. Hy kry hy hom dood op sy bed. Die Bybel lê oop langs hom. Die kapelaan neem die Bybel en blaai deur die Evangelie van Johannnes. In die eerste hoofstuk is niks met die rooi pen gemerk nie. Ook nie in die tweede of die derde hoofstukke nie, tot by Johannes 3:16, “Want so lief het God die wêreld gehad, dat Hy sy eniggebore Seun gegee het, sodat elkeen wat in Hom glo, nie verlore mag gaan nie, maar die ewige lewe kan hê.” Dié teks het hy met `n rooi lyn omring en langs die vers geskryf: “I have cast my anchor in a safe harbor, thank God!” Gelukkig is elkeen wat in hierdie hawe van Johannes 3:16, sy lewensanker laat sak, voordat hy die ewigheid binnegaan.
“Here, vandag laat sak ek my lewensanker in u redding.”
