LEES: Efésiërs 3 : 14 – 21
“…dat Hy aan julle mag gee na die rykdom van sy heerlikheid om met krag versterk te word deur sy Gees in die innerlike mens, sodat Christus deur die geloof in julle harte kan woon…(16,17).”
In The Christian Herald vertel iemand, hoe hy en vriende, op `n ruwe, stormagtige dag oor die onstuimige see staan en uitkyk. Een van die kykers sê: “Ek het `n stoomskip dopgehou wat teen die aanslag van die stormwind en die hoë branders vorentoe beur. Hoe hou so `n skip koers? Dit is vir my `n vraag – hoe doen `n skip dit?” Daar was net een antwoord op daardie vraag. Die verteller in die Herald het die persoon geantwoord. “Dit is die krag in die skip, wat dit vermag om die teëwerkende kragte rondom, die hoof te bied.” Hy skryf voorts: So is dit ook met God se kinders. Nou gebruik ek die skrywer se eie woorde: “God’s children are hindered by obstacles, thwarted by keen cutting winds of misfortune; buffeted and bruised by the surging waves of sorrow, bereavement, disappointed hopes; and we wonder how they can keep on their course se bravely and brigthly.” Hoe hou Christene koers ongeag die teëwerkende elemente? Hulle het `n geheim in hulle harte; hulle is bewus van `n krag in hulle, wat nie van nature in hulle woon nie. Die Heilige Gees het hulle geleer om saam met Paulus te sê: “Ek is tot alles in staat deur Christus wat my krag gee (Fil4:13).”
“Here, vandag steun ek op u krag.”
