SKRIFGEDEELTE: 1 Timoteus 4:7
"Oefen jou liewer om in toewyding aan God te lewe"
Godvresendheid was sentraal in die les van Paulus aan Timoteus. Vra gerus jou vriende wat hulle dink "Godvresendheid" beteken. Hulle sal dalk dink aan 'n monnik wat weg van die wêreld lewe, bid, mediteer en lofsange sing. Ander sien dit weer as 'n naïewe, Bybel-swaaiende, te-goe-om-waar-te-wees, irriterende vroom mens. Beide is verkeerd. Een geleerde definieer godvresendheid as volg: "Nie net oënskynlike aanbidding nie, ook nie bloot 'n konsep van wat God is nie, nie 'n deug of 'n ideaal teenstrydig met die Gnostiese filosofie van selfontneming wat skepping as sleg sien nie. Ware godvresendheid wat gebore is uit geloof omvat aaledaagse optrede wat God eer as die Skepper en Redder."
Sommige welmenende mense dink dat ons daarna moet streef om perfek te wees as ons soos Christus wil wees. Vir hulle is geestelike dissiplines soos opstote en opsitte, godsdienstige oefeninge om hul liggame en siele in onderdanigheid in te boender. Dit is meer Gnosties as Christelik. As jy bloot beheer soek oor jou begeertes of net meer kalmte nastreef sal enige mediterende geloof jou help. Wa die Christendom onderskei van ander gelowe, is dat ons die doel het om Jesus te ken en soos Hy te word. Ons streef nie bloot na morele volmaaktheid (al sal dit jou karakter bou), of kalmte (al maak dit jou lewe heelwat meer rustig) nie. Omdat ons die genade van Christus het sal hierdie dissiplines ons nie meer aanvaarbaar maak voor God nie. Jesus het dit alreeds namens ons gedoen. Nee, 'n vroom mens is een wat ophou om self-gefokus te wees en wat Christus-gefokus word. Christus het mens geword en as gevolg van sy aardse prediking kan ons sien hoe God wil hê ons moet leef. Jesus is ons vlekkelose voorbeeld van Godvresendheid. So, om "Godvresend" te word beteken eenvoudig om meer soos Christus te wees
