Wo 16 Mrt: Meer Anderkant

LEES: 1 Korinthiërs 2: 7 – 16

“Wat die oog nie gesien die oor nie gehoor en in die hart van die mens nie opgekom het nie, wat God berei het vir dié wat Hom liefhet. Maar God het dit aan ons deur sy Gees ge­open­baar…ons het die sin van Christus (9,10,16).”

Voor Columbus die Nuwe Wêreld vir sy landgenote ontdek het, het die Wapenteken van Spanje die woorde gedra: “Ne Plus Ul­tra”, wat beteken: “Daar is niks anderkant nie.” Ek gebruik Walter Knight se woorde: “The 3-mile limit of their shore line was the limit of their utmost horizon.”  Hulle strand se lewenswydte om hulle was 3 myl. Dit was hul­le horison. Columbus se gewaagde verde­re uitsig om `n onbekende see aan te durf, en sy ontdekkings, het meegebring dat die “ne” uit die landswapen weggelaat is en slegs die Plus Ultra  het gebly. Wat beteken het: “Daar is meer anderkant “There is More Beyond”.

Voor die Here Jesus Christus in ons wê­reld gekom het en lewe en onsterflikheid aan die lig gebring het, was die graf ons uiter­ste lewens­litmiet. Die grens van alle hoop.  Die spreuk Ne Plus Ultra was die leuse van die mens, totdat Jesus die dood van sy angel ontneem het en die glans van `n ewige lewe op die donker vallei van die dood gewerp het. Ek gebruik weer Walter Knight se mooi woorde: “Now there shines from the portals of death the hope-inspiring words; ‘Plus Ultra’ – THERE IS MORE BEYOND.” Vanaf die portale van die dood kom die in­spirerende be­moediging: ”Daar Is Meer Ander­kant.” Hoeveel meer, sal die ontvouende ewig­heid aan ons bekend maak. Slegs die onmeetlike ewig­heid sal dit vir ons bring. Selgs met ons ver­heerlikte lewens in die hemel, sal ons iets van die omvang van God se ewigheid kan meet. Paulus skryf in 1 Kor. 2:9: Wat die oog nie gesien en die oor nie gehoor en in die hart van `n mense nie opgekom het nie, wat God berei het vir dié wat Hom liefhet.” Die mens wat verlore gaan na die dood, moet nie net die onbeskryflike lyding van die verdoemenis ontbeer nie, maar mis ook die heerlikheid van God se hemel. En Jesus het sy pynlike verlossingswerk kom doen, dat elkeen wat wil, die weg van die lewe na die ewige hemel kan gaan. En Jesus het die toe­gang na so `n lewe so maklik en binne ons bereik gebring. Hy klop aan ons hartdeur en sê: “As iemand my stem hoor en die deur oopmaak, sal Ek ingaan na hom toe… (Opbaring 3:20).

   “Here, vandag hoor ek en ek nooi U in my lewe in.”