Lees Joh 17:4
"Deur die werk te volbring wat U My gegee het om te doen."
As Satan jou nie kan koop met dit wat onwettig is nie, sal hy jou probeer begrawe met dit wat wel wettig is. In albei gevalle is sy oogmerk om 'n wig tussen jou en God in te dryf. Hoewel Christus maar 33 jaar oud was toe Hy aan sy einde gekom het van sy aardse bediening, kon Hy sê: "Ek het U op die aarde verheerlik deur die werk te volbring wat U My gegee het om te doen." Jesus kon meer betrokke geraak het by die 12 dissipels of hy kon die aanbevelinge van 'n werksgroep aanvaar het en 24 dissipels aangestel het om sy bestek te verdubbel. Hy kon na Rome gereis het, die setel van mag in daardie tye. Of Hy kon na Atene toe gegaan het waar Hy groot denkers kon aanraak en so sy invloed en reputasie versprei het. Maar Hy het net 12 dissipels gekies. Hy het hulle stadig en innig onderrig, en het noor ver gereis van sy geboorteplek af nie. Sommige mense mag sê dat as jy 'n wêreld revolusie wil hê dan moet jy jou boodskap na soveel plekke as moontlik neem. Maar Jesus het doelbewus sy reisplan beperk. Hy het dit eenvoudig gehou. Aan die einde, net voor Hy sy laaste asem uitgeblaas het, het Hy gesê, "Dit is volbring." Jesus was reg om te sterf - daar was niks vir Hom oor om te doen nie. Sy werk was afgehandel, van die opleiding van die dissipels tot ons verlossing. Jy sal geen teken van hartseer of berusting in sy laaste woorde hoor nie. Sending voltooi!
Hoe lank gaan jy jouself nog belowe dat jy nader gaan beweeg aan God? Dat jy Sy Koninkryk eerste sal plaas? As jy ooit beplan om dit te doen, doen dit nou!
