Lees 2 Timoteus 4: 9 – 18
“…want Demas het die teenswoordige wêreld liefgekry en my verlaat en na Tessalonika vertrek” (9).
In ‘n sendingaksie van sy kerk, wat Pastor Bill, “our mission adventure in South Africa,” noem, het ‘n man en sy vrou, Sheff en Atehna Priest, ‘n veelkleurige vlieër na die inwyding van die nuwe kerk toe gebring. In die sterk wind het die vlieër pragtig, onder toejuiging van die aanwesiges, baie van hulle kinders, oor die dak van die nuwe kerk gesweef. Dit het Pastor Bill aan sy kinderdae herinnner toe hy en sy broers, Tom en Jim, hulle vlieërs teen die wind in die lug laat opklim het. Hy skryf (ek vertaal): “As die rukwind teen ons vlieërs druk het ons die tou net stewiger vas gehou om dit onder beheer te hou. In plaas van weg te waai met die sterk wind, het dit net hoër gerys. Dit het getrek en geruk, maar die tou en die stert het dit reg gehou, teen die wind op”. Die sterk wind en die stewige hand wat die vlieërlyn vasgehou het, het die vlieër net hoër laat styg. Eenkeer het die lyn gebreek en die vlieër het windaf weggewaai asof dit jubel: “Ek is vry! Ek is vry!” Maar dit was vir die vlieër ‘n duur vryheid. Die wind het die vlieër laat knak en flappende, opgefrommel en dit met ‘n slag op die grond laat val. Die vlieër se vryheid het sy vernietiging gebring. Pastor Bill skryf verder (nou sy eie woorde): How much like a kite is my life at times. The Lord places adversity and restrictions in my path … restraints to gain strength and to soar higher …” Ons moet die weerstande en probleme in ons lewe, herken as God se manier, om ons hoër hoogtes en groter oorwinnings, in ons geestelike lewe, te laat bereik.
Dawid het in sy geloof sterk geword, omdat hy teen sulke sterke winde van teenkanting en beproewings in, bly opstyg het. “Toe ek benoud was, het ek die Here aangeroep, en ek het tot my God geroep om hulp; Hy het my stem uit sy paleis gehoor … Hy het uit die hoogte sy hand uitgestrek, Hy het my gegryp … God is dit wat my met krag omgord” (Ps.18:7,17,33). “Want my lewe kwyn weg van kommer … ek is vergeet uit die hart … Maar ék vertrou op U, o Here! Ek sê: ‘U is my God.’ Wees sterk, en laat julle hart sterk wees, almal wat op die Here wag!” (Ps.31:11,13,15,25).
“Here, vandag wil ek moedig op U wag.”
