Lees: 2 Korintiërs 3: 12 – 18
“Ons word al meer verander om aan die beeld van Christus gelyk te word… Dit doen die Here wat die Gees is” (18).
In die Japan Times vertel R. Morihara van ‘n mnr. Imura, wat vir 19 jaar, aan ‘n replika van die 400-jaar oue Himejikasteel, in die agterplaas van sy huis, in Ise, Japan, gewerk het. Hy was 14 jaar oud toe hy in ‘n seunstydskrif ‘n foto van dié kasteel gesien het. Van die begin af het die kasteel hom geboei. Reeds as seun besluit hy om daardie kasteel na te maak. Toe hy later getroud is, moedig sy vrou hom aan om sy seunsdroom uit te voer. Hy koop ‘n stukkie grond met ‘n pragtige uitsig op die berge. Op die ouderdom van 60 jaar tree mnr. Imura af en begin al sy tyd aan die bou van sy kasteel wy. Met groot sorg maak hy seker sy kasteel kom ooreen met die oorspronklike sesverdieping kasteel. Veral die geboë lyne van die dak, die wit mure, die ingewikkelde saamgestelde torinkie, die steenmure en grag is vir hom belangrik. In sy tuin voltooi die 69-jarige, voormalige versekeringsinspekteur, in April 2007 sy 1:23-skaalmodel van die Himejikasteel. ‘n Japanese amptenaar het gesê, as ‘n mens na ‘n foto van mnr. Imura se kasteel kyk, sal mens dink dit is die regte kasteel. Sedert die voltooiing van mnr. Imura se kasteel, word hy oorval deur besoekers wat na sy kasteel kom kyk. Die Himejiregering het hom as toeriste-ambassadeur van Japan benoem.
Nou skryf Neil Verwey, wat al meer as 50 jaar sendeling in Japan is en wat die storie vir my gestuur het: “Mnr Imura is ‘n goeie verteenwoordiger van sy land, maar as jy in Christus glo, is jy sy ambassadeur in jou omgewing, om mense te oorreed om vrede te maak met God. ‘Ons tree dan op as gesante om Christus wil, asof God deur ons vermaan: Ons bid julle om Christus wil, laat julle met God versoen’” (2 Kor. 5:20).
Die geheim van mnr. Imura se sukses met sy skaalmodel, was die sorg wat hy aan die dag gelê het, om sy kasteel, net soos die regte kasteel, te laat lyk. Sy kasteel was ‘n 1:23-replika, d.w.s. 23-keer kleiner as die die regte kasteel. Maar dit het soos die regte een gelyk.
Ons, Jesus se volgelinge, kan nie Jesus se grootte verteenwoordig nie. Hy is God, Seun van God, maar Hy het op aarde in sy gewone omgang met mense en sy omgang met sy Vader, God in die hemel, vir ons ‘n lewensvoorbeeld nagelaat. Die Heilige Gees, wat na Jesus se hemelvaart gekom het en deur wedergeboorte, Jesus se lewe in die mense wat tot redding kom, inplant, verander ons mettertyd na Jesus se beeld: sy gedrag, verdraagsaamheid, toewyding, liefde. Die mate waarin Jesus se eie Persoon en beeld in ons lewe posvat, word ons God se ambassadeurs in ons omgewing en trek ons mense aan na Jesus toe.
Die Bybel is die spieël waarin ons kyk om die Here Jesus Christus se beeld te sien. Dan verander die Heilige Gees ons stadigaan, deur die krag en wil van God, na dié beeld, wat Hy vir ons in sy Woord wys. Ons moet dikwels en intensief na Jesus se beeld in die Skrif kyk!
“Here, vandag kyk ek na u beeld in u Woord en open my hart om deur U na dié beeld herskep te word
