Lees: Johannes 1:35-42
“Daarna het hy eers sy broer…gaan soek en…hy het hom na Jesus toe gebring” (42)
Kort na eerw. Charles R. Goff, pastor geword het van die Methodist Temple (so genoem as gevolg van die tempelvoorkoms van die gebou wat as Metodiste Kerk gebruik is) in die hart van Chicago Loop, het hy gevoel dit is nodig om ’n Christelike skildery in die ingang van die Tempel te hang. Dit moes `n Christenatmosfeer skep vir die stroom van besoekers aan die Tempel. Hy het met die bekende skilder, Warner Sallman, daaroor gepraat. Die gevolg was Sallman se bekende skildery, The Head of Christ, het ’n ereplek en `n nuttige fuksie in die voorportaal gekry.
In die loop van hulle gesprek sê Sallman vir eerw. Goff: “Ek wag al jare om vir u te sê, u het daardie prent, wat soveel sëën vir my gebring het, vir my gegee. U het Christus aan my gegéé.” Jare te vore het eerw. Goff ’n reeks Bybellesings in ‘n Y.M.C.A.-saal gelewer. Sallman het dit as jong skilder byge-woon. Gedurende een van die lesings het Sallman ’n besef van die wonderbare, gekruisigde Heiland gekry. Daardie nag, terwyl hy slaap, het hy ’n visioen van die hoof van Christus gekry. So het Christus vir hom gelyk. Hy het hy dadelik ’n skets gemaak van wat hy gesien het. Daarna het hy dit geskilder. Vyftig miljoen afdrukke van hierdie skildery, word in die aanhaling gemeld, is wêreldwyd verkoop. Dit is meer as van enige ander prent, hedendaags of outyds, wat ooit verkoop is.
Ons gaan die Here Jesus eendag sien soos Hy werklik is. Hoe ’n vreugde sal dit dan wees as iemand sal sê: “Jy het Christus aan my gegee.”
“Here, vandag soek ek geleentheid om U aan iemand bekend te stel.”
